U k’a’ana’anil xkichpam ja’

Máax ts’íibtej: Damaris Mia Coca
Bolivia

José Natividad Ic Xec sut ich maayat’aan

Máakalmáak u nojba’alil

Ix ki’ichpam ja’e’ k’a’ana’an ti’al ka yanak kuxtal yóok’olkaab.

Ma’ chéen uti’al xan ba’al kuxa’an k’ana’ani’, beyxan uti’al u yúuchuj jejelás meyaj ich le ku ya’ala’aj industrias. Ba’ale’ ti’ xan ku k’askúunsa’al xki’ichpam ja’i’. Jaaj wíinike’ k’a’abéet ya’abkach ja’ ti’ uti’al u máansik u kuxtal, ba’ale’ wíinik xane’ ku jach máan u p’iis tumen ma’ u kanáantik ja’. Le je’el túuna’ ku taasik talamil ti’ tuláakal ba’ax kuxa’an yóok’olkaab. Waj láayli’ ma’ sáasil tech ba’axten k’a’ana’an xki’ichpam ja’e’, walkil kéen in jáan tsol waj jayp’éel ba’al tu yóok’lala’:

  • Ichil buka’aj ja’ yaan yóok’olkaabe’ chéen 1% ku páajtal u yu’uk’uli’; 96% u ya’abile’ ch’óoch’ ja’. U jeel 3% ja’e’ ti yaan le ku ya’alaj polos.
  • Yóok’olkaabe’ ts’o’ok u jach chokotaj. Kex buka’aj ka k’áaxak cháake’ yóok’olkaabe’ ma’ u xu’ulul u chokotaj. U talamil xane’ tu’ux yaan ka’ach yooko’ob ja’, áak’alo’ob waj ts’aats’o’obe’ bejla’e’ mina’an. Láaj tijo’ob.

Ya’ab máak xan ku k’áatik u yojéeltej ba’ax le ku ya’ala’aj ciclo de agua, tu’ux u taleel xki’ichpam ja’ k uk’ika’, bix je’el k kanáantike’.

Le ku ya’ala’aj ciclo del agua

Xki’ichpan ja’e’ ku páajtal u jelpajaj: ku yooxoltaj, ku ja’ailkúuntikubáaj ka’an, ku káaxal, ku ts’o’okole’ ku yáalkab yóok’olkaab. Ja’e ku káajaj u jelpajaj  bix yanik kéen ju’uluk tumen k’iin. U ja’il k’áak’náab, u ja’il áak’alo’obe’ ku yooxoltale’ ku káajal túun u na’akal tak ka’an. Bey u yúuchula’:

U sa’ap’aj ja’e’
U ka’ ja’ilkúuntikubáaj yooxol ja’e’

Bey ts’o’ok u sáasiltal to’on waj jayp’éel ba’ala’, je’el u páajtal k núukik le k’áatchi’a’

Tu’ux u taalel le xki’ichpam ja’ k uk’ika’. Míin ts’o’okili’ u máan ta pool waj ba’ax k’iin le k’áatchi’a’. K ojéeltmile’ le ja’ k uk’ika’  ti’ u taalel to’on tak ichnaj ti jump’éel ba’al ku ya’alaj red de distribución. Way tu nojlu’umil Bolivia jump’éel ti’ le je’elo’oba’ EPSAS u k’aaba’ (Empresa Pública y Social de Agua y Saneamiento).

U jeel baale’ a woojel wáaj buka’aj ba’ax ku yúuchuj ti’al ka páatak u k’ujsa’al ja’ tak tu wotoch máak. Waj ma’ a woojele’ walkil kéen in tsola’.

U ch’a’abaj ja’. Le ja’ k uk’ika’, le ku k’uchuj tak t najile’ ti’ u taalel ti’ jejelás

U ts’ook

Tu’ux u taleel ja’ yóok’olkaab túun. Ma’ jach sáasili’. Ya’ab ba’al ku ya’ala’aj tu yóok’laj, ba’ale’ mix jump’éel jach ts’oka’an u t’aani’.

Jaaj xki’ichpam ja’e’ k’a’ana’an ti’al ka yanak kuxtal, ku ts’o’okole’ jump’él ba’al  ku xu’upuj kex ku chan suut u jeel to’on. Ba’ale’ kex beyo’ ja’e’ táan u xu’upuj. Ku páajtal k ilik tumen táan u ya’abtal u k’a’abetkúunsa’all, táan u yantaj xan u ba’atelil.

U k’askunta’al ja’ chéen beyo’, u bin u xu’upuj xane’ jump’éel talamil ku taal yóokol wíinik, tu yóok’la u tojbe’enil wíinik.

Máaxo’ob xokik tu yóok’laj u ma’alobil sináale’ ku ya’aliko’obe’ jach unaj ti’ ma’alob xki’ichpam ja’. U bin u xu’upuj ma’alob ja’e’ ma’ u taasik ba’al uts ti’ sijnáal, mix ti’ kaab mix ti ja’. U bin u xu’upuj ja’e ku taasik talamil xan ti k’áaxo’ob y u yaalak’o’obil xan. Ti’ tuláakal le je’ela’ ti’ yaan xan u seten nojochaj kaajo’obi’ yéetel u bin u chokotaj lu’umkabil.

K’a’na’an k oksik t pool u nojba’alil ba’ax ku yúuchul yéetel ja’. Ma’ chéen ti’al uk’bili’, jump’éel ba’al jach ka’ana’an xan ti’al sijnáal, k ti’al bejla’e’, u ti’al xan máaxo’b ku taal paachil to’on. Unaj k tukultike’ ja’e’ jump’éel ba’al ku xu’upuj, yaan tu’uxe’ táan u p’íittaj: ich láak’tsilo’ob, ich kaajo’ob, ich nojlumo’ob. To’one’ ba’ax túun k beetik tu yóok’laj ma’ u xu’upuj. Chéen bey k xu’uxu’upiko’, chéen bey k puliko’, tumen k tukultike’ mix bik’in u xu’upuj. K’a’ajak to’on ba’ax ku ya’alik

Lloyd Axworthy: Ja’e’ jump’éel ba’al jach k’ambe’en. Yaan tu’uxe’ asab ko’oj u ko’onol tu tséel ti’ petróleo.

Ts’íibo’ob ku máanchi’ita’aj te’ meyaja’, yéetel xane’ tu’ux je’el a xokik u jeel ba’al tu yóok’lale’

Ecología Verde. (s.f.). Qué es la evaporación del agua y ejemplos. Recuperado de https://www.ecologiaverde.com/

ESVAL. (s.f.). El agua. Recuperado de https://portal.esval.cl/educacion/el-agua/

Expansión. (22 de marzo, 2019). 13 razones para entender la importancia del agua, según la ONU. Recuperado de https://expansion.mx

IMTA, Instituto Mexicano de Tecnología del Agua. (4 de septiembre, 2018). La importancia del agua en el planeta y cómo cuidarla. Recuperado de https://www.iagua.es/

Magalhães, L. (s.f.). Ciclo del agua. Toda Materia. Recuperado de https://www.todamateria.com/ciclo-del-agua/amp/

Obremo. (s.f.). El ciclo del agua: cómo se gestiona el agua para que llegue a tu hogar de manera ininterrumpida. Recuperado de https://www.obremo.es/

Rubín, A. (s.f.). 100 Frases para Cuidar el Agua. Pinterest. Recuperado de https://www.pinterest.com/

USGS. El ciclo del agua, the water cycle, Spanish. Recuperado de https://www.usgs.gov/

USMP. (s.f.). Importancia del agua. Recuperado de https://www.usmp.edu.pe/